Maktabimizning rus bo’limi oʻquvchilari Vladimir Karetnikov va Samira Komilova Tailandda boʻlib oʻtgan “World Scholars Cup Global Raund” xalqaro turnirda ishtirok etib sovrinli oʻrinlarni egallashdi va Yel universitetida (Nyu-Xeyven, Konnektikut shtati) boʻlib oʻtadigan final bosqichiga yoʻl oldilar. Turnirda Avstraliya, AQSh va Kanada kabi dunyoning o‘nlab mamlakatlaridan kelgan 1700 nafardan ortiq ishtirokchi qatnashdi. Talabalarimiz barcha topshiriqlarni bajarib, g’alaba qozonishdi va endilikda ularni noyabr oyida bo’lib o’tadigan final bosqichi kutmoqda. Bu yutuq – o‘quvchilarimiz va ustozlarining mashaqqatli mehnati samarasidir. G’alaba muborak bo’lsin!